🏡 G‘ambur mahallasida 4 ta xonadon egasining huquqlari e’tirof etildi

📜 O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan bino va inshootlarga bo‘lgan huquqlarni e’tirof etish to‘g‘risida”gi Qonuni hamda amaldagi qonunchilik talablari asosida fuqarolarning yer va mol-mulkka bo‘lgan huquqlarini qonuniy rasmiylashtirish borasida amaliy ishlar olib borilmoqda.
📍 Shu munosabat bilan Xalq deputatlari Sherobod tumani Kengashi raisi O. Tursunov hamda Davlat kadastr palatasi Sherobod tumani bo‘limi boshlig‘i Z. Qodirov ishtirokida tumanning G‘ambur mahallasida huquqlari e’tirof etilgan 4 ta xonadon egalariga tegishli hujjatlar shaxsan olib borib topshirildi.
🏠 Mazkur qarorga muvofiq, ro‘yxatda nazarda tutilgan yakka tartibdagi uy-joylar egallagan yer uchastkalariga 99 yil muddatga ijara huquqi, shuningdek, ularda qurilgan bino va inshootlarga mulk huquqi e’tirof etildi.
🤝 Bu esa fuqarolarning yillar davomida foydalanib kelayotgan uy-joy va yer uchastkalariga bo‘lgan huquqlarini qonuniy jihatdan mustahkamlash, ularning mulkiy manfaatlarini ta’minlashda muhim qadamdir.
📑 E’tirof etilgan huquqlarni belgilangan tartibda davlat ro‘yxatidan o‘tkazish bo‘yicha ham tegishli choralar ko‘riladi.
✅ Inson manfaati, fuqaro huquqi va mulkiy manfaatlar — doimo e’tiborda!

🏡 Qonuniy huquq — xotirjam hayot va farovon kelajak kafolati!

Xalq deputatlari Sherobod tumani Kengashi kotibiyati matbuot xizmati.