👥 “Yoshlarga oid davlat siyosati to‘g‘risida”gi Qonun

🇺🇿 O‘zbekiston Respublikasining 2016-yil 14-sentabrdagi O‘RQ-406-son “Yoshlarga oid davlat siyosati to‘g‘risida”gi Qonuni yoshlarning huquq va manfaatlarini ta’minlash, ularni qo‘llab-quvvatlash hamda jamiyat va davlat hayotidagi faolligini oshirishga qaratilgan munosabatlarni tartibga soladi.
🎓 Qonunda yoshlarning ta’lim olishi, kasb-hunar egallashi, bandligini ta’minlash, ularning ijtimoiy, iqtisodiy va boshqa huquq hamda manfaatlarini himoya qilish bilan bog‘liq masalalarga alohida e’tibor qaratilgan.
🤝 Yoshlarni har tomonlama qo‘llab-quvvatlash, ularning tashabbuslarini rag‘batlantirish, bo‘sh vaqtini mazmunli tashkil etish hamda jamiyat hayotida faol ishtirokini ta’minlash yoshlarga oid davlat siyosatining muhim yo‘nalishlaridan biridir.
🏛 Mahalliy Kengashlar va deputatlar hududlarda yoshlar bilan bog‘liq masalalarni o‘rganish, ularning murojaat va takliflarini tinglash, yoshlar uchun yaratilayotgan shart-sharoitlarni yaxshilash hamda bu boradagi ishlarni deputatlik nazorati doirasida o‘rganishga hissa qo‘shishi mumkin.

🌱 Yoshlar — yurt kelajagi! Ularning huquq va manfaatlarini himoya qilish, tashabbuslarini qo‘llab-quvvatlash va imkoniyatlarini kengaytirish — barchamizning muhim vazifamizdir.

Xalq deputatlari Sherobod tumani Kengashi kotibiyati matbuot xizmati.