Xalq deputatlari Qo‘qon shahar Kengashi raisi O‘.Tojieva hamda Kengash kotibiyati mudiri A.Nosirov tomonidan Qo‘qon shahridagi “Yalang‘och ota” MFY hududida joylashgan pedagogika texnikumida “Tashabbusli byudjet – 2026” loyihasining 1-mavsumi doirasida amalga oshirilayotgan qurilish ishlari joyiga chiqqan holda o‘rganildi.

O‘rganish davomida loyiha doirasida olib borilayotgan qurilish-ta’mirlash ishlarining borishi, bajarilish muddati hamda loyiha uchun mas’ul pudrat tashkiloti faoliyati ko‘zdan kechirildi.

Mazkur loyihani amalga oshirayotgan pudrat tashkiloti “Yangi qurilish Farg‘ona” XK ekani, loyihaning umumiy qiymati 1,5 milliard so‘mni tashkil etishi hamda qurilish ishlarini 2026-yil sentyabr oyi yakuniga qadar yakunlash rejalashtirilgani ma’lum qilindi.

O‘rganish jarayonida loyiha doirasidagi ishlarning belgilangan muddatlarda va sifatli amalga oshirilishini ta’minlash, aniqlangan masalalarni o‘z vaqtida bartaraf etish yuzasidan mas’ullar bilan fikr almashildi.

Mazkur loyiha deputatlar tomonidan nazoratga olinib, qurilish ishlarining belgilangan muddatlarda yakunlanishi hamda ta’lim muassasasida o‘quvchilar uchun munosib shart-sharoitlar yaratilishi yuzasidan tegishli ishlar davom ettiriladi.

Xalq deputatlari Qo‘qon shahar Kengashi