Xalq deputatlari Chilonzor tumani Kengashining 2026-yil 2-apreldagi III-19-22-14-204-K/26-son qaroriga 1-ilovasiga muvofiq, “Fuqarolar tashabbusi jamg‘armasi” mablag‘lari hisobidan 2026-yilning 1-mavsumida g‘olib deb topilgan loyihalar bo‘yicha manzilli ro‘yxat asosida qator amaliy ishlar amalga oshirilmoqda.

Mazkur ro‘yxatga asosan, Chilonzor tumani Gavhar mahallasida joylashgan 188-sonli umumta’lim maktabi binolarini ta’mirlash va obodonlashtirish ishlari uchun 1 milliard 648 million so‘m mablag‘ ajratilgan

Loyiha doirasida quyidagi qurilish-ta’mirlash ishlari amalga oshirilmoqda:

- maktabning asosiy binosidagi 1–4-qavat koridorlarining pol qoplamasini yangilash;
- sinf xonalari eshiklarini almashtirish va zamonaviy jihozlar bilan ta’minlash;
- asosiy bino devorlarini ta’mirlash;
- 2-bino ichki va tashqi qismlarini ta’mirlash va obodonlashtirish

Hozirgi kunda mazkur ishlar belgilangan reja asosida olib borilmoqda. Amalga oshirilayotgan ta’mirlash ishlari ta’lim muassasasining moddiy-texnik bazasini mustahkamlash, o‘quvchilar va pedagoglar uchun yanada qulay, xavfsiz hamda zamonaviy ta’lim muhitini yaratishga xizmat qiladi ✨

Fuqarolar tashabbusi asosida amalga oshirilayotgan bunday loyihalar mahallalarda mavjud muammolarni tizimli hal etish, ijtimoiy infratuzilmani rivojlantirish va aholining turmush sharoitini yaxshilashga qaratilgan muhim amaliy tashabbuslardan biridir.