Xalq deputatlari Chilonzor tumani Kengashining 5-Charx Kamolon saylov okrugi deputati Maxmudova Donoxon Artikovna tomonidan fuqarolar bilan olib borilayotgan muntazam muloqotlar hamda kelib tushayotgan murojaatlar asosida hududda amaliy ishlar davom ettirilmoqda.

Jumladan, 2-Charx Kamolon mahallasida joylashgan 2-, 4-, 15- va 16-ko‘p qavatli uylarning tom qismi joriy ta’mirlandi. Ta’mirlash ishlari davomida tom qoplamasining eskirgan va shikastlangan qismlari tiklanib, mavjud texnik kamchiliklar bartaraf etildi hamda uy-joylarning foydalanish holatini yaxshilashga qaratilgan zarur ishlar amalga oshirildi.

Mazkur ishlar fuqarolar murojaatlarini o‘z vaqtida ko‘rib chiqish va ularning dolzarb muammolariga amaliy yechim topish borasida deputat tomonidan olib borilayotgan tizimli faoliyatning amaliy natijasi hisoblanadi.

Hudud infratuzilmasini yaxshilash, aholi uchun qulay va xavfsiz yashash sharoitlarini yaratish hamda fuqarolar manfaatlarini ta’minlashga qaratilgan ishlar izchil davom ettirilmoqda.