Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov aholidan kelib tushgan murojaatlar ijrosini ta’minlash maqsadida mahalladagi ta’mirtalab ichki yo‘llar holatini joyiga chiqqan holda o‘rgandi.

🔺O‘rganish jarayonida ichki ko‘chalarning amaldagi holati ko‘zdan kechirilib, A.Xidoyatov, Nafosat, Buyuk avlod ko‘chalarning ichki yo‘l qoplamalarning eskirgani, chuqurlar hosil bo‘lgani hamda bu holat aholi, ayniqsa, piyodalar va avtotransport harakati uchun noqulayliklar tug‘dirayotgani qayd etildi.

🔺Deputat tomonidan aholi bilan muloqot o‘tkazilib, yo‘llarni ta’mirlash bo‘yicha taklif va fikrlar tinglandi. Fuqarolar tomonidan ichki yo‘llarni asfaltlash hamda yomg‘ir suvlari chiqib ketishini ta’minlash bo‘yicha zarur choralar ko‘rish yuzasidan takliflar bildirildi.

🔺O‘rganish yakunlari bo‘yicha mazkur ichki yo‘llarni bosqichma-bosqich ta’mirlash maqsadida ularni tegishli manzilli dasturga kiritish zarurligi belgilandi. Bu borada mutasaddi tashkilotlarga tegishli takliflar kiritilishi va masalaning ijrosi deputatlik nazoratiga olinishi ta’kidlandi.