Yangiarab oilaviy shifokorlik punktida tibbiy xizmat sifati va mavjud sharoitlar o‘rganildi 

Xalq deputatlari Oltiariq tuman Kengashining 20-Yangiarab saylov okrugi deputati A.Qoʻqanov hamda tuman Kengashi bosh mutaxassisi A.Jumayev ishtirokida Yangiarab oilaviy shifokorlik punktida oʻrganish ishlari olib borildi. Oʻrganish davomida mazkur tibbiyot muassasasining moddiy-texnik bazasi, aholiga koʻrsatilayotgan birlamchi tibbiy xizmatlar sifati, mavjud sharoitlar hamda tibbiy jihozlardan foydalanish holati koʻzdan kechirildi. Maʼlumot uchun, Yangiarab mahallasida 6 ming nafarga yaqin aholi istiqomat qiladi va oilaviy shifokorlik punkti ushbu hudud aholisiga birlamchi tibbiy xizmat koʻrsatib
kelmoqda. Shuningdek, korrupsion holatlarning oldini olish, fuqarolarga tibbiy xizmat koʻrsatishda qonuniylik va adolat tamoyillariga qatʼiy rioya etish masalalari yuzasidan tushuntirishlar berildi. Tibbiyot xodimlari korrupsiyaga qarshi murosasiz
munosabatda boʻlishga, xizmat vazifalarini vijdonan bajarishga hamda fuqarolarning murojaatlariga masʼuliyat bilan yondashishga chaqirildi.