#_deputat_faoliyati
#_24_ta_masala
Xalq deputatlari tuman Kengashi deputati tomonidan narkologiya shifoxonasida o‘rganish ishlari olib borildi

Xalq deputatlari tuman Kengashi deputati M.Zaripova tomonidan tumandagi narkologiya shifoxonasida o‘rganish ishlari amalga oshirildi. O‘rganish davomida muassasada bemorlarga yaratilgan sharoitlar, davolash va reabilitatsiya jarayonlari, tibbiy xizmat sifati hamda mavjud infratuzilmaning holati bilan yaqindan tanishildi.

Shuningdek, shifoxona rahbariyati va mas'ul xodimlar bilan uchrashuv o‘tkazilib, muassasa faoliyati, mavjud muammolar hamda ularni bartaraf etish bo‘yicha olib borilayotgan ishlar yuzasidan atroflicha fikr almashildi. Davolash jarayonida qo‘llanilayotgan zamonaviy usullar, dori vositalari ta'minoti, tibbiy jihozlardan foydalanish holati ham muhokama qilindi.

O‘rganish jarayonida bemorlar uchun yaratilgan shart-sharoitlar, sanitariya-gigiyena talablari, ovqatlanish sifati, tibbiyot xodimlarining mehnat faoliyati va murojaatlar bilan ishlash tizimiga alohida e'tibor qaratildi.

Aniqlangan ayrim kamchiliklarni bartaraf etish, tibbiy xizmat sifatini yanada oshirish hamda muassasa faoliyatini takomillashtirish yuzasidan tegishli tavsiya va takliflar bildirildi.

Fuqarolarga sifatli va samarali tibbiy xizmat ko‘rsatishni ta'minlash, sog‘liqni saqlash muassasalari faoliyati ustidan jamoatchilik va deputatlik nazoratini kuchaytirish kelgusida ham ustuvor yo‘nalishlardan biri bo‘lib qoladi.