Xalq deputatlari Bektemir tumani Kengashi deputati K.Ahqulov hamda Kengash kotibiyati bosh mutaxassisi A.Kariev ishtirokida "Chashma" mahalla fuqarolar yig‘ini hududida aholini qiynab kelayotgan dolzarb muammolar va ijtimoiy-iqtisodiy masalalarni joyiga chiqqan holda o‘rganish tadbiri o‘tkazildi.

Muloqot va o‘rganishlar davomida mahalla aholisi va faollari tomonidan bildirilgan murojaatlar eshitilib, hududdagi kommunal infratuzilma, yo‘l-transport hamda ijtimoiy sohaga oid quyidagi asosiy muammolar aniqlandi:

1.  Muhandislik-kommunal tarmoqlar: Ichki ichimlik suvi va elektr ta’minoti tarmoqlarini yaxshilash yuzasidan tushgan murojaatlar bo‘yicha tegishli tashkilotlarga so‘rovnoma yuborish belgilandi.

2. Yo‘l va infratuzilma: Mahalla ichki yo‘llarini ta’mirlash va tungi yoritish chiroqlarini o‘rnatish masalalari ko‘rib chiqildi.

3.  Ijtimoiy masalalar: Fuqarolar tomonidan bildirilgan boshqa shaxsiy va maishiy murojaatlar tegishli mas’ullar ishtirokida tahlil qilindi.

O‘rganish yakunlari bo‘yicha aniqlangan barcha muammoli masalalarni bosqichma-bosqich hal etish va tegishli tashkilotlarga deputatlik so‘rovnomalari yuborish bo‘yicha chora-tadbirlar belgilandi. Barcha masalalar deputat K.Ahqulov tomonidan shaxsiy nazoratga olindi.