Xalq deputatlari Bektemir tumani Kengashi kotibiyati bosh mutaxassisi M.Xusanov «Zilola» mahallasida bo‘lib, «Dolzarb 40 kunlik» tadbirlari hamda «Mahallada obodlik va mehr-saxovat oyligi» doirasida amalga oshirilayotgan ishlarni ko‘zdan kechirdi.

M.Xusanov okrug deputati vakili sifatida mahallada tashkil etilayotgan hashar jarayonlari bilan yaqindan tanishdi. Tadbir davomida quyidagi ishlarga alohida e’tibor qaratildi:

·         Hududni obodonlashtirish: Ko‘chalar, ariq-joylar va jamoat joylari chiqindilardan tozalandi.

·         Ko‘kalamzorlashtirish: Daraxtlar butaldi, oqlandi va yangi ko‘chatlar ekish uchun maydonlar tayyorlandi.

·         Ijtimoiy qo‘llab-quvvatlash: Oylik doirasida mahalladagi ehtiyojmand oilalar va keksalar holidan xabar olish, ularga ko‘maklashish ishlari muvofiqlashtirildi.

O‘rganish davomida mahalla faollari va aholi bilan suhbatlashilib, obodonlashtirish va ko‘kalamzorlashtirish ishlarini sifatli va uyushqoqlik bilan o‘tkazish bo‘yicha tegishli tavsiyalar berildi.