Fuqarolar murojaatlarini o‘z vaqtida ko‘rib chiqish va ularning muammolariga yechim topish maqsadida joylarda o‘rganish ishlari olib borilmoqda.

Xalq deputatlari Pastdarg‘om tumani Kengashi kotibiyati bosh mutaxassisi V. Ro‘ziyev tomonidan Qoramag‘it mahallasida yashovchi fuqaroning tomorqa yerlarini sug‘orish uchun ariq suvi bilan bog‘liq murojaati yuzasidan joyiga chiqqan holda o‘rganish o‘tkazildi.

O‘rganish davomida murojaatda ko‘rsatilgan holatlar atroflicha ko‘zdan kechirilib, masalaga aloqador mutasaddilar ishtirokida mavjud muammolar va ularni bartaraf etish imkoniyatlari muhokama qilindi.

Shuningdek, tomorqa yerlarini sug‘orish uchun suv ta’minotini yaxshilash bo‘yicha tegishli chora-tadbirlar belgilandi.

Fuqarolar murojaatlarini o‘rganish va ularning qonuniy manfaatlarini ta’minlash yuzasidan ishlar izchil davom ettirilmoqda.