Xalq deputatlari Tuproqqal’a tuman Kengashi raisi — kotibiyat mudiri X. Sultonov “Inson ijtimoiy xizmatlar markazi” tomonidan sessiya kun tartibiga kiritilayotgan mahalladagi mablag‘larni qayta taqsimlash masalasini joyiga chiqqan holda o‘rgandi.

Deputatlar tomonidan masalalarni oldindan o‘rganish amaliyoti sessiyada ko‘rilayotgan masalalarning haqqoniyligi va dolzarbligini ta’minlashga xizmat qilmoqda.

O‘rganish davomida Yangi zamin mahallasida istiqomat qiluvchi onkologik kasallikka chalingan fuqaro uchun ajratilgan mablag‘ yetarli emasligi aniqlanib, qo‘shimcha mablag‘ ajratish masalasi ko‘rib chiqildi. Mazkur mablag‘ni Sharlauk mahallasidan qayta taqsimlash bo‘yicha tegishli tartibda kelishuvga erishildi.

🤝 Mazkur ishlar aholining ijtimoiy himoyaga muhtoj qatlamini qo‘llab-quvvatlash va fuqarolar murojaatlarini manzilli hal etishga qaratilgan.