O‘rganish ishlari amalga oshirildi 

Joriy yilning 26 avgust kuni O‘zbekiston Respublikasi Oliy Majlisi Qonunchilik
palatasi deputatlari D.R.Mamadjanova, Sh.A.Axmedovlar Quva tumaniga tashrif
uyushtirib, xalq deputatlari tuman Kengashi deputatlari bilan hamkorlikda
tumandagi bir qator ijtimoiy soha ob’ektlarida o‘rganish ishlarini olib
bordilar. 

Tashrifning ilk manzili
sifatida Ittifoq mahalla fuqarolar yig‘ini tanlandi. Bu yerda deputatlar
mahalla faollari bilan ochiq muloqot o‘tkazib, fuqarolarni qiziqtirgan
savollarga javoblar berdilar. Shuningdek, mamlakatimizda ijtimoiy-iqtisodiy
sohalarda amalga oshirilayotgan keng qamrovli islohotlar mazmun-mohiyati
yuzasidan atroflicha axborot berdilar. Muloqot davomida aholiga yaratilayotgan
imkoniyatlar, yangi tashabbuslar hamda qonunchilikdagi yangiliklar haqida
ma’lumotlar taqdim etildi.  

Shu bilan birga hududagi
15-son umumiy o‘rta ta’lim maktabda yangi o‘quv yiliga tayyorgarlik ishlari
o‘rganildi. Yangidan bapo etilgan 330-o‘rinli maktabning qo‘shimcha binosini
sinf xonalari bolalarni qabul qilishga tayyor holatga keltirilgani qayd etildi. 

Shuningdek, deputatlar
tomonidan tumanidagi Sanoatchilar mahalla fuqarolar yig‘ini hududida xomiylik
asosida qaytadan qurilayotgan 13-son oilaviy poliklinika, O‘zbekiston Respublikasining
ijtimoiy va ishlab chiqarish infratuzilmasini rivojlantirish chora-tadbirlari
to‘g‘risida”gi PQ-454-son Qarori ijrosi doirasida hududagi 26-son maktabgacha
ta’lim tashkilotining 120 o‘ringa mo‘ljallanib qurilayotganiga yangi binosini
qurilish ishlarini, mahalla hududida yoshlarga ajratib berilgan ekin yer
madonlaridagi gulchilik kooperatsiyasi faoliyati o‘rganildi. 

Tashrif davomida O‘zbekiston
Respublikasi Vazirlar Mahkamasining 2025 yil 8 maydagi 171-son qaroriga muvofiq
Quva tumanida aholini ijtimoiy jihatdan qo‘llab-quvvatlash va sog‘lom turmush
tarzini targ‘ib etish bo‘yicha tumandagi “Omad Shifo” klinikasidagi kunduzgi
qatnov asosida yoshi keksa, yordamga muhtoj, nogironligi bor shaxslarni qarab
turish xizmati, nogironligi bo‘lgan bolalarni qo‘llab-quvvatlash maqsadida
Tinchlik mahalla fuqarolar yig‘ini hududida tashkil etilgan maxsus maktabgacha
ta’lim muassasasi o‘rganildi.