Xalq deputatlari shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining yig‘ilishi bo‘lib o‘tdi.

Kun tartibidagi masala Termiz shahrida 2025-yil 2-mavsumda jamoatchilik fikri asosida “Ochiq budjet” axborot portali orqali o‘tkazilgan ovoz berish jarayonlari yakunlariga ko‘ra, eng ko‘p ovoz olgan takliflarni e’lon qilish va ushbu takliflarni moliyalashtirish to‘g‘risida bo‘lib, mazkur masala yuzasidan shahar Iqtisodiyot va moliya bo‘limi boshlig‘i o‘rinbosari G‘.Toshov hamda tegishli mutasaddilarning hisobotlari eshitildi.

Doimiy komissiya yig‘ilishida ko‘rilgan masala yuzasidan fikr mulohazalar eshitilib, ishtirokchilar o‘z fikrlari va takliflarini bildirdilar. 

Yig‘ilish so‘ngida kun tartibidagi masala yuzasidan shahar Kengashining navbatdagi sessiya kun tartibiga kiritilish bo‘yicha tegishli qaror qabul qilindi.