O‘zbekiston
Respublikasi Oliy Majlisi Senati Raisi boshchiligidagi delegatsiyaning 2025-yil 2–3-sentabr kunlari Belarus Respublikasiga amalga oshiradigan tashrifi va uning doirasida Vitebsk shahrida o‘tkaziladigan O‘zbekiston–Belarus tadbirkor ayollarining uchinchi biznes-forumi — mamlakatimiz tashqi siyosati va iqtisodiy manfaatlari yo‘lida muhim tashabbuslardan biridir. 

Bu tashabbus, ayniqsa, tadbirkor ayollarni qo‘llab-quvvatlash, mahalliy ishlab chiqaruvchilarning mahsulotlarini tashqi bozorga olib chiqish, hamda xalqaro hamkorlikni mustahkamlash yo‘lida muhim qadam bo‘lib xizmat qiladi. Forum doirasida “Made in Uzbekistan” milliy brendi ostida mahsulotlar ko‘rgazmasi, B2B uchrashuvlar, yangi investitsiyaviy loyihalar taqdimoti va madaniy dasturlar orqali O‘zbekistonning salohiyati keng namoyon etilishi kutilmoqda. 

Bu boradagi qarorlar ijrosini sifatli ta'minlash maqsadida tashkil etilgan tashkiliy qo‘mita, tegishli vazirlik va idoralar zimmasiga yuklatilgan vazifalarning o‘z vaqtida va samara bilan amalga oshirilishi muhim ahamiyatga ega. Shuningdek, yoshlar o‘rtasida hamkorlikni mustahkamlash, startap va innovatsion g‘oyalarni ilgari surish ham tashrifning ijobiy natijalaridan biri bo‘ladi. 

Bu tashrif O‘zbekiston va Belarus o‘rtasidagi do‘stona aloqalarni, ayniqsa, iqtisodiy, madaniy va parlament darajasidagi hamkorlikni yangi bosqichga olib chiqadi, deb hisoblayman. 

Hurmat bilan, M. Nurmanova

Xalq deputatlariPayariq tumani Kengashi deputati