Payariq tumani Kengashi deputati M. Kazakova tomonidan 80-umumta'lim maktabida kuz-qish mavsumiga tayyorgarlik borasida o‘rganish olib borildi. Ushbu tekshiruvda maktabdagi isitish tizimi holati va o‘quv jarayonining samaradorligini oshirishga qaratilgan tadbirlar diqqat markaziga olindi. 

Kuz-qish mavsumiga tayyorlik doirasida, maktabda qishki isitish uchun 74 tonna ko‘mir olib kelingan. Biroq, yopiq binodagi isitish tizimi hali ham ishlashda muammolarga duch kelgan. O‘rganish davomida, binodagi isitish tizimida suv aylanishi bo‘lmaganligi va serkulatsiya jarayonining nosozligi aniqlangan. Bu holat maktabni qishda to‘liq isitish imkonini bermayapti, shuning uchun tizimni tezda ta'mirlash va samarali ishlashini ta'minlash zarurati tug‘ildi.

Maktabda o‘quv jarayoni samaradorligini oshirish uchun, 90 kunlik shtab tashkil etilgan bo‘lib, hozirda kunlik ish rejimiga o‘tildi. Boshqa ta'lim muassasalariga nisbatan o‘quvchilarni vaqtini samarali tashkil etish uchun yangi to‘garaklar tashkil etilgan. Hozirda 6 ta to‘garak faoliyat olib bormoqda. Ushbu to‘garaklar turli sohalarda bilim olishni xohlagan bolalar uchun keng imkoniyatlar yaratadi.