Jumladan, deputat o‘zi saylangan 19-"Guruchariq” okrugrida bo‘lib, saylovchilarga II chorak davomida olib borgan faoliyatlari yuzasidan axborot berdi. Saylovchilar bilan muloqotlar davomida o‘tgan chorakda tuman Kengashi sessiyalarida ko‘rilgan masalalar, tumanni ijtimoiy-iqtisodiy rivojlantirish dasturlari hamda deputatlarning mahallalarda amalga oshirgan ishlari to‘g‘risida so‘z bordi. Uchrashuv davomida fuqarolar tomonidan bir qancha dolzarb muammolar yuzasidan murojaatlar qabul qilindi. Jumladan, tibbiy ko'rikdan o'tish, FXDYo bo'limidan guvohnoma olishda, qarovchisini yo'qotgan nuroniylarga dam olish uchun yo'llanma olish, kam ta'minlangan oilalarga ijtimoiy ko'mak ko'rsatish masalalarida kelib tushgan murojaatlar asosida mas'ullar bilan birgalikda tez fursatda ijobiy hal etilishi yuzasidan deputat nazorati olib borilishi ta'kidlab o'tildi.