Xalq deputatlari Shirin shahar Kengashiga 3-Vatanparvar saylov okrugidan saylangan deputat Egamberdiyeva Oyzoda Kurbonaliyevna amalga oshirgan ishlari yuzasidan saylovchilar oldida axborot berdi. Tadbirda mahalla raislari, xotin-qizlar faollari, ijtimoiy xodimlar, va ta’lim muassasalari vakillari ishtirok etdi.

Deputat o‘z so‘zida 7ta mahallada o‘tkazilgan uchrashuvlar, 15 nafar fuqarodan tushgan murojaatlarning joyida ko‘rib chiqilgani va ularning ko‘pchiligi ijobiy hal etilgani haqida ma’lumot berdi. 

Aholining sog‘lig‘ini muhofaza qilish, erta diagnostika va profilaktika maqsadida deputat tashabbusi bilan tor mutaxassislar —nevropatolog, terapevt, ginekolog, jarroh, kardiolog kabi mutaxassislar ishtirokida 50 nafar fuqaro bepul tibbiy ko‘rikdan o‘tkazildi.

Vatanparvar MFY raisi 

M. Mirahmedova deputat Oyzoda Kurbonaliyevnaning faolligini alohida e’tirof etib, mahalladagi dolzarb masalalarni hal etishdagi amaliy harakatlarini yuqori baholadi.

Yig‘ilish yakunida deputatning axboroti ma’lumot uchun qabul qilinib, aholining ehtiyoj va murojaatlariga tezkor javob berish, sog‘liqni saqlash, ijtimoiy hamkorlik hamda madaniy-ma’rifiy ishlarni tizimli ravishda yo‘lga qo‘yish bo‘yicha ustuvor vazifalar belgilab olindi.