🔹2025-yil 15-may kuni O‘zbekiston Respublikasi Prezidenti Shavkat Mirziyoyev raisligida maktab ta’limi tizimidagi islohotlarni yanada jadallashtirish va samaradorligini oshirish maqsadida o‘tkazgan videoselektor yig‘ilishi ta’lim sohasidagi yutuqlar bilan birga, dolzarb muammolar va ularni hal etish bo‘yicha aniq vazifalarni belgilab berildi.

🔹Yig‘ilishda ko‘tarilgan masalalar O‘zbekiston Xalq demokratik partiyasining deputatlik guruhi tomonidan ko‘rib chiqilib, partiyaning saylovoldi dasturida ko‘tarilgan ustuvor maqsadlariga to‘liqligicha mos kelishi ta’kidlandi.

      Ayniqsa, Prezidentimiz ta’lim mazmunini zamon talablari asosida yangilash, fanlar integratsiyasini ta’minlash, o‘qituvchi malakasini oshirish va ularning mehnatini munosib rag‘batlantirish, raqamli texnologiyalarni joriy etish va ota-onalar bilan yaqin hamkorlikda ishlash zarurligi haqida bildirgan fikrlari ta’lim tizimini hech shubhasiz, yangi bosqichga olib chiqishga zamin yaratadi.

      Shuningdek:

o‘qituvchilar uchun amaliy treninglar o‘tkazish;

dars jarayonida axborot texnologiyalaridan foydalanishni kengaytirish;

o‘quvchi bilim sifatini baholashning zamonaviy usullarini joriy etish;

maktabdagi tartib-intizom va mutaxassislikni mustahkamlash choralari belgilandi.

      Bu islohotlar ta’lim sifati yuqori bosqichga ko‘tarilishiga, jamiyatimizda yetuk kadrlarni voyaga yetkazishga, o‘qituvchilar malakasini yanada oshirishga xizmat qiladi.

🔹Biz farzandlarimizning kelajagi uchun mas’ulmiz. Har bir harakatimiz shunga xizmat qiladi!