Xonadonlar xavfsizligi — umumiy tinchlik garovi! 

O‘zbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-sonli Qarori ijrosini ta’minlash maqsadida navbatdagi amaliy qadam tashlandi. 

Shu munosabat bilan tumanda aholi uchun hayotiy ahamiyatga ega bo‘lgan masala xonadonlar xavfsizligini ta’minlash, zamonaviy himoya vositalari va signalizatsiya tizimlarini o‘rnatish bo‘yicha keng muhokamali yig‘ilish bo‘lib o‘tdi. 

Yig‘ilishga tuman hokimi, tuman Kengashi raisi Uchqun Yelmuratov hamda tuman IIB boshlig‘i Anvar Radjapov boshchilik qilar ekan, fuqarolarning turmush xavfsizligini ta’minlashda texnik vositalarning ahamiyati alohida ta’kidlandi. Qarorda ko‘rsatilgan vazifalar asosida har bir xonadonga himoya vositalari o‘rnatish, huquqbuzarliklarning oldini olish va fuqarolarning tinchligini ta’minlashda muhim qadam hisoblanishi qayd etildi. 

Mazkur yig‘ilish doirasida mutasaddi tashkilotlarga aniq vazifalar yuklatilib, har bir mahallada ushbu tizimni joriy etish bo‘yicha
amaliy choralar belgilab olindi. 

Xulosa sifatida: xonadonlar xavfsizligi nafaqat bir oilaning, balki butun jamiyatning osoyishtaligi uchun xizmat qiladi. Tuman rahbariyati tashabbusi bilan boshlangan ushbu ishlarning hayotga tatbiq etilishi aholi roziligi va himoyalangan muhitni ta’minlashga xizmat qiladi.