Prezidentimiz Shavkat Mirziyoyev tomonidan yoshlar tashabbuslarini qo‘llab-quvvatlash va ular uchun keng imkoniyatlar yaratish borasida belgilangan vazifalar ijrosini ta’minlash maqsadida tumanda tizimli ishlar olib borilmoqda. “Rahbar va yoshlar” uchrashuvlari doirasida Xalq deputatlari Parkent tumani Kengashiga 23-Nomdanak saylov okrugidan saylangan deputat, tuman hokimi Elmurod Po‘latov bolalar va o‘smirlar sport maktabida yosh sportchilar bilan ochiq muloqot o‘tkazdi. Uchrashuvda sport infratuzilmasini rivojlantirish, musobaqalarda ishtirok etish imkoniyatlari, sport orqali oliy ta’lim muassasalariga kirishdagi imtiyozlar hamda professional sportga yo‘naltirish masalalari yuzasidan tushuntirishlar berildi. Shuningdek, ta’lim va sportni uyg‘un olib borish, sog‘lom turmush tarzini shakllantirish, intizom va matonatni mustahkamlash masalalariga alohida e’tibor qaratildi. Muloqot davomida yoshlar o‘z taklif va muammolarini bildirib, har bir murojaat tegishli tartibda ko‘rib chiqish uchun qayd etildi. Deputat yosh sportchilarni har tomonlama qo‘llab-quvvatlash va ularning yutuqlarini rag‘batlantirish ustuvor vazifa ekanini ta’kidladi.