Xalq deputatlari Boyovut tumani Kengashi 13-"Ozodlik" saylov okrugi deputati Shayimova Xalnisa Yakubovna hududdagi 9-sonli oilaviy shifokor punkti hamda 16-maktab rahbariyati bilan uchrashib, mavjud muammolar bilan yaqindan tanishdi.

O‘rganish jarayonida 9-OSHP binosi qurilishi yakunlangan bo‘lsa-da, obyektning rasmiy qabul qilinish muddati hanuz mavhumligicha qolayotgani ta’kidlandi. Sababi, qurilish jarayoni amaldagi loyiha hujjatlariga to‘liq mos kelmagan. Bino zamonaviy va chiroyli tarzda barpo etilgan bo‘lishiga qaramay, bir qator kamchiliklar mavjudligi aniqlandi.

Xususan:

— 5 ta xonaga qo‘l yuvish moslamalari o‘rnatilmagan;

— emlash xonasi eshigi yopib tashlangan, holbuki, tibbiy talabga ko‘ra emlanganlar alohida eshikdan chiqishi shart.

Deputat ushbu masalalarni mutasaddilarga yetkazib, kamchiliklarni bartaraf etish bo‘yicha tegishli choralar ko‘rishni bildirdi.

Xalq deputatlari Boyovut tumani Kengashi kotibiyati