#Депутатлик_гуруҳи_эшитуви    

🔰 Xalq deputatlari Qo‘shko‘pir tuman Kengashidagi O‘zLiDeP deputatlik guruhining navbatdagi eshituvi bo‘lib o‘tdi.

Eshituvda Qo‘shko‘pir tuman elektr ta’minoti bo‘limi boshlig‘i S.Yusupovning joriy yilning o‘tgan davri mobaynida amalga oshirilgan ishlari, kuz-qish mavsumiga ko‘rilayotgan tayyorgarlik holati yuzasidan axboroti, shuningdek “Hududgaz Xorazm” gaz ta’minoti filiali “Qo‘shko‘pirtumangaz” gaz ta’minoti bo‘limi boshlig‘i J.Piryazovning joriy yilning o‘tgan davri mobaynida amalga oshirilgan ishlari, kuz-qish mavsumiga ko‘rilayotgan tayyorgarlik holati yuzasidan axborotlari tinglandi.

🔰Eshituvda deputatlar ijtimoiy soha ob’yektlari va boshqa toifadagi iste’molchilarga zarur miqdorlarda energetika resurslarini yetkazib berish bo‘yicha muntazam ravishda o‘rganishlar olib borish lozimligini alohida qayd etdilar.

✔️Muhokamalarga boy bo‘lgan yig‘ilishda deputatlar har bir masalani atroflicha muhokama qilib, ustuvor vazifalarni belgilab oldilar. Har bir deputatlar o‘zi saylangan okrugda kuz-qish mavsumiga tayyorgarlik ko‘rish bo‘yicha belgilangan vazifalar ijrosini doimiy nazorat qilib, aniqlangan kamchiliklarni soha mutasaddilari bilan hamkorlikda joyida hal qilib borilishi kuz-qish mavsumini betalofat o‘tkazishga xizmat qilishi ta’kidlandi.