Xalq deputatlari Bag‘dod tumani Kengashining 11-Chekmirzaobod saylov okrugi deputati A.Sirojiddinov hududlarida olib borilayotgan o‘rganish ishlari izchil davom ettirilmoqda.

📋 Xususan, Xalq deputatlari Bag‘dod tumani Kengashining 2026-yil 5-iyundagi VII-23-40-11-152-K/26-sonli qarori hamda O‘zbekiston Respublikasi Prezidentining 2026-yil 9-fevraldagi PQ–49-son qarori 13-bandi ijrosini ta’minlash doirasida amalga oshirilayotgan ishlar joyiga chiqib o‘rganildi.

🏠 Mazkur qarorga muvofiq, "Ijtimoiy reyestr"da ro‘yxatda turuvchi I guruh nogironligi bo‘lgan hamda mehnatga layoqatli a’zosi mavjud bo‘lmagan 5 ta oilaning xonadonlarini energiya tejamkor holatga keltirish uchun Infratuzilma va ijtimoiy barqarorlik jamg‘armasi hisobidan 300 million so‘m mablag‘ ajratilgan.

⚡️ Ajratilgan mablag‘lar hisobidan xonadonlarda devor va tom qismlarini issiqlik izolyatsiyasi bilan qoplash, energiya tejamkor eshik va derazalarni o‘rnatish hamda quyosh energiyasi qurilmalarini joriy etish ishlari amalga oshirilmoqda.

🔎 O‘rganish davomida Chekmirzaobod mahalla fuqarolar yig‘inidagi 1 ta xonadonda olib borilayotgan energiya tejamkorlik ishlari, ajratilgan mablag‘larning maqsadli sarflanishi va qurilish-montaj ishlarining borishi joyida ko‘zdan kechirildi.