Payariq tumanida mahallalarni obod maskanga aylantirish, aholi uchun qulay yashash sharoitlarini yaratish, ko‘kalamzorlashtirish, tozalikka rioya qilish va ijtimoiy infratuzilmani yaxshilash borasida izchil ishlar olib borilmoqda.

Xalq deputatlari Payariq tumani Kengashi deputati Z.Turdiyev ushbu sa’y-harakatlarda faol ishtirok etib, mahalla faollari, yoshlar va fuqarolar bilan birgalikda obodonlashtirish tadbirlariga bevosita bosh-qosh bo‘lmoqda. Deputat tashabbusi bilan turli ko‘chalar, jamoat joylari hamda ijtimoiy obyektlar atrofi tozalandi, daraxtlar ekildi va chiqindilar olib chiqildi.

Aholi orasida tozalik va ozodalik madaniyatini shakllantirish, yoshlarni ijtimoiy hayotga jalb etish, ularni mehnatsevarlik va Vatanga sadoqat ruhida tarbiyalash ham ushbu ishlarning asosiy yo‘nalishlaridan birini tashkil etmoqda.

Mazkur amaliy harakatlar natijasida Payariq tumani yanada go‘zal, tartibli va yashash uchun qulay maskanga aylanib bormoqda.