Xalq deputatlari Paxtakor tuman Kengashi 17-Oqbuloq saylov okrugi deputati Xasamiddinov Muzaffar Paxtakor tumanida amalga oshirilayotgan dasturlar ijrosi doirasida tumandagi “Oq buloq” MFY hududida olib borilayotgan ichimlik suv ta’minoti tizimini qurish ishlari bilan yaqindan tanishdi.

O‘rganish mobaynida loyiha doirasida ko‘zda tutilgan barcha vazifalarning izchil amalga oshirilishiga alohida e’tibor qaratildi. Deputat tomonidan ushbu loyiha hudud aholisini toza va sifatli ichimlik suvi bilan ta’minlashda muhim ahamiyat kasb etishini ta’kidladi.

Shuningdek, deputat mahalla aholisi bilan bevosita uchrashib, ularning murojaatlari, taklif va muammolarini tingladi. Deputat har bir murojaatni atroflicha o‘rganib chiqib, ularni hal etish bo‘yicha tegishli tashkilotlarga yo‘naltirishini ma’lum qildi.