Xalq deputatlari Qiziriq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi hamda Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasining qo‘shma yig‘ilishi bo‘lib o‘tdi.

Yig‘ilishda tuman Tibbiyot birlashmasi hamda Maktabgacha va maktab ta’limi bo‘limi faoliyatida nazorat-tahlil tadbirlarini o‘tkazish masalasi muhokama qilindi. Ushbu sohalarda mavjud bo‘lishi mumkin bo‘lgan korrupsion holatlarni aniqlash va ularning oldini olish, shuningdek faoliyatda ochiqlik hamda shaffoflikni ta’minlash yuzasidan komissiya a’zolari tomonidan fikr va takliflar bildirildi.

Shuningdek, qizil va sariq toifaga tushib qolgan maktablar faoliyatini o‘rganish, aniqlangan muammo va kamchiliklarni bartaraf etish hamda kamchiliklarga yo‘l qo‘yayotgan sohadagi tashkilot va muassasa rahbarlariga nisbatan tegishli chora ko‘rish yuzasidan masalalar ham ko‘rib chiqildi.

Yig‘ilish yakunida mazkur yo‘nalishlarda o‘rganishlar olib borish uchun savolnoma ishlab chiqilib, nazorat-tahlil tadbirlarini tashkil etish maqsadida ishchi guruhlar tuzish hamda kelgusida aniqlangan kamchiliklar bo‘yicha tegishli choralar ko‘rish yuzasidan kelishib olindi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 6