Majlisda xalq deputatlari Muzrabot tumani Kengashi huzuridagi Kambag‘allikni qisqartirish bilan bog‘liq masalalar bo‘yicha muvaqqat komissiyasi a’zolari, xalq deputatlari tuman Kengashining barcha doimiy komissiyalari raislari, hisobot beruvchi mutasaddi tashkilotlar rahbarlari va ommaviy axborot vositalari vakillari ishtirok etishdi.

Komissiyaning asosiy maqsadi va vazifalariga asosan O‘zbekiston Respublikasi Prezidentining 2024-yil 23-sentyabdagi “Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida”gi PF-143-son Farmoni va 2024-yil 23-sentyabdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora tadbirlar to‘g‘risida"gi PQ-330-son Qarori ijrosini ta’minlash maqsadida Muzrabot tumanida amalga oshirilgan ishlar bo‘yicha tuman Kambag‘allikni qisqartirish va bandlikka ko‘maklashish bo‘limi boshlig‘i J.A.To‘ranazarovning axboroti eshitildi.

Ushbu majlis tanqidiy ruhda o‘tkazildi. Deputatlar tomonidan fikr-mulohazalar va takliflar bildirildi hamda savollariga ma’ruzachi tomonidan javob berildi.

Majlis yakunida tumanda kambag‘allikni qisqartirish va aholi turmush farovonligini oshirish borasida amalga oshirilayotgan ishlarning mazmun-mohiyati va ahamiyatini keng tushuntirishga qaratilgan targ‘ibot tadbirlarini o‘tkazish va bu bo‘yihca ishlar samaradorligi ustidan deputatlik nazoratini amalga oshirish yuzasidan choralar belgilab olindi.