⚡️ Deputatlik so‘rovi asosida amaliy ishlar bajarildi

Xalq deputatlari Sherobod tuman Kengashining 1-Yangiturmush saylov okrugidan saylangan deputati S. Eshonqulov tomonidan Sherobod tuman “Yo‘llardan foydalanish” davlat muassasasiga deputatlik so‘rovi yuborilgan edi.

Mazkur deputatlik so‘rovida Sherobod tumani “Uzunsoy” mahallasining “Egarchi” va “Laylagon” qishloqlari orasidagi 5 km uzunlikdagi avtomobil yo‘li ta’mirtalab holatda ekanligi qayd etilib, ushbu yo‘lni ta’mirlab berishda amaliy yordam ko‘rsatish masalasi ko‘tarilgan.

Sherobod tuman “Yo‘llardan foydalanish” davlat muassasasi tomonidan taqdim etilgan ma’lumotga ko‘ra, korxona xodimlari tomonidan 75V029 M39 avtomobil yo‘lining (1380-km dan) Egarchi qishlog‘i – Xatak qishlog‘i avtomobil yo‘lining 6-, 7-, 8-, 9- va 10-km qismlarida joriy ta’mirlash hamda yamoq ishlari bajarilgan.

Shuningdek, 75V029 M39 avtomobil yo‘lining (1380-km dan) Egarchi qishlog‘i – Xatak qishlog‘i avtomobil yo‘li

2025–2026-yillar davomida O‘zbekiston Respublikasi Vazirlar Mahkamasining 2022-yil 27-dekabrdagi 723-sonli qaroriga muvofiq, xalqaro moliya institutlari mablag‘lari hisobidan Surxondaryo viloyatida qurilishi rejalashtirilgan sement-beton qoplamali avtomobil yo‘llari davlat dasturiga kiritilgan bo‘lib, mazkur yo‘lning 13 km qismi qurilishi belgilangan.

Hozirgi vaqtda ushbu loyiha bo‘yicha tender savdolari e’lon qilinganligi ma’lum qilindi.