Xalq deputatlari Marg‘ilon shahar Kengashi deputatlari Z.Domilayev va B.Obidov kotibiyat mudiri A.Ermatov hamrohligida Uvaysiy mahallasi Toshkent ko‘chasida istiqomat qiluvchi fuqarolarning murojaati yuzasidan joyiga chiqib o‘rganish olib bordilar. 

Mazkur murojaatda ko‘chada yomg‘ir suvlari to‘planib qolayotgani hamda bu holat yo‘l qatnovi va aholining harakatlanishiga noqulaylik tug‘dirayotgani ta’kidlangan.

O‘rganish jarayonida deputatlar va mutasaddilar hududdagi mavjud holatni ko‘zdan kechirib, yomg‘ir suvi oqimini to‘g‘ri yo‘naltirish hamda ko‘chani asfaltlashtirish zarurligini qayd etdilar.

Mutaxassislar bilan birgalikda muammoni bartaraf etish bo‘yicha tegishli taklif va tavsiyalar ishlab chiqilishi belgilandi.