Xususan, saylovchilar tomonidan “Lochin” ko‘chasidagi oqava suvlarni tortib oluvchi zovur (drenaj) tarmog‘i ancha yillardan buyon ishlamayotgani sababli aholi tomorqa yerlarida suv yig‘ilib qolayotgani, natijada ekinlar yaxshi ko‘karmay, hosildorlikka zarar yetayotganligi ta’kidlandi.

Shundan so‘ng deputat mazkur hududda joyiga chiqib o‘rganishlar olib bordi. O‘rganishlar davomida haqiqatan ham ayrim tomorqa yerlarida suv to‘planib, ko‘lmak holat yuzaga kelganligi aniqlandi.

Mazkur masalani hal etish maqsadida deputat tomonidan tuman Irrigatsiya bo‘limiga deputat so‘rovi yuborilishi, shuningdek zovur (drenaj) tarmog‘ini ta’mirlash va qayta tiklash bo‘yicha zarur choralar ko‘rilishi ma’lum qilindi.