Qararǵa muwapıq, diyqan xojalıqları hám qıytaq jer
iyeleriniń jumısın qollap-quwatlaw fondınıń qarjıları esabınan tómendegi
finanslıq qollap-quwatlaw instrumentleri engiziledi: 

  ➡️ joqarı dáramatlı ónim jetistiriwdi jolǵa qoyıw
maqsetinde usta diyqanlarǵa hár 10 shańaraqtı qánigelestirgeni ushın 2 mln sum
jáne máhálledegi shańaraqlardıń 30 procentin qánigelestirgeni ushın 75 mln sum
muǵdarında subsidiya; 

  ➡️ qıytaq jer hám ijara jer maydanlarındaǵı nátiyjesiz
eski baǵlardı rekonstrukciyalaw hám jańaların jaratıw ushın tómendegi
subsidiyalar: 

  ➡️ sertifikatqa iye miyweli terek náliniń bahasınıń 50
procenti, biraq, hár bir nál ushın miyweniń túrine qarap 30 mıń sumnan aspaǵan
muǵdarda; 

  ➡️ miywelerdiń túrine qarap hár bir ornatılǵan tirew
(stolba) bahasınıń 50 procenti, biraq, 70 mıń sumnan aspaǵan muǵdarda; 

  ➡️ hár bir sotıxqa jawın suwın jıynaw hám (yamasa)
tamshılatıp suwǵarıw sistemasın ornatıw ushın 160 mıń sumǵa shekemgi muǵdarda; 

  ➡️ suw támiynatı awır bolǵan aymaqlarda qıytaq jer hám
ijara jer maydanların suwǵarıw ushın tik qudıqlardı burǵılaw hám quwatlılıǵı 10
kVt saattan kem bolmaǵan quyash panelin ornatıw ushın qárejetlerdiń 70
procenti, biraq, 200 mln sumnan aspaǵan muǵdarda subsidiyalar ajıratıladı. 

  Xalıq deputatları Moynaq rayonlıq Keńesi deputatı U.Urinbaeva