Tuman Kengashining doimiy komissiyalari qo‘shma yig‘ilishi bo‘lib o‘tdi

Tuman Kengashining navbatdagi doimiy komissiyalari ishtirokida qo‘shma yig‘ilish bo‘lib o‘tdi. Unda tumanda qonun ustuvorligini ta’minlash, aholining huquq va erkinliklarini himoya qilish, ijtimoiy-iqtisodiy barqarorlikni mustahkamlashga qaratilgan muhim masalalar keng muhokama qilindi.

📋 Kun tartibidagi masalalar:

🔹 Tuman prokuraturasi tomonidan 2025-yil davomida tumanda qonun ustuvorligini ta’minlash, korrupsiyaga qarshi kurashish hamda jinoyatchilikning oldini olish borasida amalga oshirilgan ishlar to‘g‘risidagi axborot;

🔹 Tuman adliya bo‘limi tomonidan 2025-yilning ikkinchi yarim yilligida norma ijodkorligi, huquqni qo‘llash amaliyotini o‘rganish, huquqiy targ‘ibot va ma’rifat sohasida amalga oshirilgan ishlar holati;

🔹 Sharof Rashidov tuman tibbiyot birlashmasi tomonidan 2025-yilda sog‘liqni saqlash sohasida amalga oshirilgan ishlar va aholiga ko‘rsatilgan tibbiy xizmatlar holati;

🔹 2025-yil ikkinchi yarim yili davomida iqlim o‘zgarishining oldini olish, atmosfera havosini muhofaza qilish, hududlarni ko‘kalamzorlashtirish, ekologiya va atrof-muhitni muhofaza qilish borasida amalga oshirilayotgan ishlar;

🔹 2025-yil 4-choragida mahalliy byudjetning qo‘shimcha manbalari hisobidan ajratilgan mablag‘lardan maqsadli va samarali foydalanish masalasi;

🔹 2025-yil davomida mahalliy byudjet daromadlari va xarajatlari ijrosi, byudjet mablag‘laridan oqilona foydalanish holati;

🔹 Tuman mahalliy byudjetidan mablag‘lar ajratish to‘g‘risidagi masala.

📝 Yig‘ilish yakunida har bir masala yuzasidan deputatlar tomonidan taklif va mulohazalar bildirilib, tegishli qarorlar qabul qilindi hamda mas’ul tashkilotlarga aniq vazifalar belgilandi. Qabul qilingan qarorlar ijrosi ustidan deputatlik nazorati kuchaytirilishi qayd etildi.