Kecha Xalq deputatlari Urganch shahar Kengashi deputati R.Baltayev shaharning Tozabog‘ hamda J.Manguberdi mahallalarida bo‘lib, mahalla yettiligi faoliyati bilan yaqindan tanishdi. Uchrashuv davomida mahalla yettiligi rahbari va a’zolari mahalladagi dolzarb muammolar haqida deputatga ma’lumot berdilar.
Jumladan, ijtimoiy muhofaza va infratuzilma sohasidagi muammolar muhokama qilindi. Uchrashuv davomida o‘rtaga tashlangan masalalarning har biri ro‘yxatga olinib, qisqa fursatlarda ijrosini ta’minlashga kelishib olindi.

- Deputatlar mahalla yettiligi bilan birgalikda amalga oshiradigan tadbirlar va loyihalar mahalliy darajadagi muammolarni tezkor hamda samarali hal etishga imkon beradi, -deydi xalq deputatlari shahar Kengashi
deputati R.Baltayev.