“Dolzarb 90 kun” doirasida 58-maktab faoliyati deputatlar tomonidan o‘rganildi

Parkent tumanida “Dolzarb 90 kun” loyihasi doirasida yangi qurilgan 58-maktabi faoliyati deputatlar va mas’ul tashkilot vakillari tomonidan atroflicha o‘rganildi. O'rganish davomida zamonaviy talablarga mos ravishda barpo etilgan ta’lim muassasasining moddiy-texnik bazasi, o‘quv jarayonini tashkil etish darajasi, fan xonalari, laboratoriyalar hamda o‘quv-uslubiy jihozlar bilan ta’minlanganlik holati ko‘rib chiqildi. Yangi o‘quv yiliga tayyorgarlik ishlari, to‘garaklar faoliyati, xususan, sport to‘garagining ishlari yuqori baholandi. O‘quvchilarning jismoniy tayyorgarlik darajasi, sport anjomlari bilan ta’minlanishi, sport musobaqalarida faol ishtiroki hamda sog‘lom turmush tarziga bo‘lgan qiziqishi qayd etildi. Deputatlar sport va boshqa ijodiy to‘garaklar doirasida qo‘shimcha sharoitlar yaratish va tadbirlarni muntazam tashkil etish bo‘yicha tavsiyalar berdilar.