Xalq deputatlari Bo‘ka tuman Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha hamda Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyalarining qo‘shma yig'ilishi bo'lib o'tdi.  

Kun tartibida: 

1. Bo‘ka tumanida iqtisodiy ko‘rsatkichlarda pasayish kuzatilgan sohalar va ularning yuzaga kelish sabablari, joriy yilda iqtisodiy sohalarda qilinadigan ishlar to‘g‘risida tuman hokimining birinchi o‘rinbosari A.Turdibayevning hisoboti;   

2. Bo‘ka tumanida 2025-yil ikkinchi mavsum “Ochiq byudjet” axborot portali orqali jamoatchilik fikri asosida eng ko‘p ovoz to‘plab g‘olib bo‘lgan takliflarga “Fuqarolar tashabbusi jamg‘armasi”dan mablag‘lar ajratish to‘g‘risida tuman Iqtisodiyot va moliya bo‘limi boshlig‘i o‘rinbosari A.Karimov ma’ruzasi;  

3. Boʻka tumanida aholi punktlari ko‘chalari hamda ichki xo‘jalik yo‘llari infratuzilmasini rivojlantirish ishlarini jadallashtirish maqsadida maxsus texnika xarid qilish uchun mablag‘ ajratish to‘g‘risida tinglandi va xalq deputatlari Bo'ka tumani Kengashining navbatdagi 17-sessiyasi kun tartibiga kiritish tavsiya etildi.