“Yoshlar salomatligi — partiya e’tiborida” 

O‘zbekiston “Adolat”
sotsial-demokratik partiyasi Farg‘ona tuman Kengashidan saylangan deputatlar o‘z
saylovchilari hayoti va farzandlarimizning kelajagi uchun mas’uliyatni chuqur his
qilib, ta’lim muassasalarida doimiy o‘rganishlar olib bormoqda. 

Shu maqsadda, 2025 yil avgust oyidan boshlab davlat maktabgacha
va umumiy o‘rta ta’lim muassasalari, shuningdek, oilaviy nodavlat maktabgacha ta’lim
tashkilotlarida o‘quvchi-yoshlar sog‘ligiga
salbiy ta’sir ko‘rsatuvchi — fast-fud va energetik ichimliklar kabi taqiqlangan
mahsulotlar holati hamda muassasalarning ko‘z-qish mavsumiga tayyorgarligi o‘rganilmoqda. 

Tuman Kengashi deputati Baxodir Axmadjonov Soy bo‘yi mahallasida joylashgan 13-sonli
umumta’lim maktabida bo‘lib, o‘quv jarayoni, muassasaning mavsumiy tayyorgarlik
ishlari bilan tanishdi. Shuningdek, maktab atrofidagi savdo do‘konlari ham ko‘zdan
kechirilib, tadbirkorlarga yoshlar salomatligini asrash, ularning ongli ravishda
to‘g‘ri oziqlanishi uchun mas’uliyatli bo‘lish lozimligi alohida ta’kidlandi. 

Tadbir davomida o‘quvchi-yoshlarga va savdo bilan shug‘ullanuvchi
tadbirkorlarga fast-fud mahsulotlari hamda
energetik ichimliklarning inson salomatligiga zararli ta’siri haqida samimiy
tushuntirish va targ‘ibot ishlari olib borildi. 

Yurt kelajagi bo‘lgan
farzandlarimizning sog‘lom o‘sishi, bilimli va barkamol avlod bo‘lib voyaga yetishi
uchun har birimiz mas’ulmiz.