Bugun hududimizda iqtidorli, izlanuvchan va mehnatkash ayol-qizlarimiz uchun yana bir muhim qadam qo‘yildi. Kasb-hunar o‘rgatish markazini muvaffaqiyatli tamomlagan, dizayn va tikuvchilik yo‘nalishida tahsil olgan ayol-qizlarga diplomlar tantanali ravishda topshirildi.
Kuni kecha Respublika “Hunarmand” uyushmasi va Markaziy Osiyo Dizaynerlar Ittifoqi “MODI” hamkorligida o‘tkazilgan “Malaka darslari” master-klassi yakunlari!

Xalq deputatlari Olmazor tumani Kengashi deputati, mashhur dizayner Kamala Gulyamaova ishtirokida milliy va zamonaviy libos kolleksiyalari yaratish bo‘yicha o'z bilimlarini mustahkamlagan tikuvchi-dizaynerlarga diplom va sertifikatlar topshirdi. Deputat - Ushbu loyihaning asosiy maqsadi — xotin-qizlar bandligini ta’minlash, ularning oila daromadiga qo‘shgan hissasini oshirish, hamda o‘z hunari bilan jamiyatda munosib o‘rin egallashiga ko‘maklashishdir. Diplomga ega bo‘lgan hunarli qizlarimiz endi nafaqat o‘z hayotini, balki butun oila taqdirini ijobiy tomonga o‘zgartirishga tayyor!