#tuhfa

Nurafshonda To‘y tepa mahallasining yangi binosi ochildi 🎉🇺🇿

Yurtimiz mustaqilligining 34 yilligi bayrami arafasida Nurafshon shahrida yana bir quvonchli voqea yuz berdi. To‘y tepa mahallasi uchun zamonaviy bino foydalanishga topshirildi.

Tantanali ochilish marosimida Mahalla uyushmasi Nurafshon shahar bo‘limi rahbariyati, Xalq deputatlari, “Oqila ayollar” harakati vakillari, nuroniylar, yoshlar va keng jamoatchilik ishtirok etib, mazkur tashabbusning mahalla hayotidagi o‘rni va ahamiyati haqida fikr bildirishdi.

So‘zga chiqqanlar yangi bino mahalla aholisi uchun xizmat qilishini, bu yerda turli ma’naviy-ma’rifiy tadbirlar, yoshlar bilan uchrashuvlar va xotin-qizlar tashabbuslarini qo‘llab-quvvatlash ishlari olib borilishini ta’kidladilar.

Ochilish tantanasida milliy kuy va qo‘shiqlar yangradi, mahalla yoshlari tomonidan tayyorlangan chiqishlar esa yig‘ilganlarga ko‘tarinki kayfiyat ulashdi.