МОЙНАҚ РАЙОНЫНДА "БИРИНШИ ҚОҢЫРАЎ" ҲӘМ "БИЛИМЛЕР КҮНИ" БАЙРАМЫ

Бүгин 2-сентябрь күни, Республикамыздағы барлық улыўма орта билим бериў мектеплери қатарында Мойнақ районында да 2025-2026-оқыў жылының ашылыўын сәўлелендиретуғын "Биринши қоңыраў" жаңлады.

"Билимлер күни" мүнәсибети менен Мойнақ районы 4-санлы мектебинде өткерилген салтанатлы илажда Мойнақ районы ҳәкими Б.Менглибеков, Қарақалпақстан Республикасы Жоқарғы Кеңеси депутаты, ӨзХДП фракциясы Б.Утамбетова, партияның депутатлық топар басшысы У.Урынбаевалар қатнасып, муғаллимлер, оқыўшылар ҳәм олардың ата-аналарын жаңа оқыў жылы менен қызғын қутлықлады.

Илаж даўамында билимлендириў тараўында әмелге асырылып атырған реформалар, жас әўладтың билим алыўы ушын жаратылып атырған шараятлар ҳаққында тоқтап өтилди. Онда жаңа оқыў жылына жоқары руўх ҳәм үлкен тәртип пенен кирип келиў әҳмийетли екенлиги атап өтилди.