Mamlakatimizda xalq bilan muloqot, joylardagi muammolarni o‘rganish va ularni hal etish — davlat siyosatining ustuvor yo‘nalishlaridan biridir. Shu jihatdan, deputatlar ham joylarda fuqarolar muammolarini bevosita o‘rganib, ular yechimiga ko‘maklashmoqda.

Shu kunlarda Miskin mahalla hududida joylashgan ishlab chiqarish zonasida gaz ta’minoti bilan bog‘liq muammolar yuzasidan bir guruh fuqarolar deputatga murojaat qilishdi. Murojaatda, Agregat zavodi umumiy turar joyidagi tabiiy gaz bosimi pastligi, ba’zan esa to‘liq uzilib qolishi ishlab chiqarish jarayonlariga salbiy ta’sir ko‘rsatayotgani qayd etilgan.

Mazkur murojaat asosida okrug deputati Ziyo Parizod hududga tashrif buyurib, mavjud muammolarni bevosita joyida o‘rgandi. Tashrif davomida u ishlab chiqarish zonasidagi korxonalar rahbarlari, texnik mutaxassislar, shuningdek, gaz ta’minoti uchun mas’ul tashkilot vakillari bilan uchrashdi.

 Deputatlar fuqarolarning murojaatlariga doimo e’tibor bilan yondashadi va ularni hal qilish yo‘lida amaliy ishlarni davom ettiradi.