Xalq deputatlari Bekobod shahar kengashining ettinchi chaqiriq 14-sessiyasi bo‘lib o‘tdi. Sessiya ishida deputatlar tomonidan 12 ta masala ko‘rib chiqildi. Jumladan, 2025-yil davlat dasturi ijrosi to‘g‘risida shahar hokimi N.Babayevning hisoboti eshitildi. Shahar prokurori adliya maslahatchisi B.Ilyasovning korrupsiyaviy holatlar va korrupsiyaga oid xavf-xatarlarning oldini olish hamda Korrupsiyaga qarshi kurashishda rahbar va xodimlar orasida ushbu illatni oldini olish to‘g‘risida hamda yoqilg‘i-energiya resurslaridan noqonuniy foydalanish va behuda sarflanishining oldini olish yuzasidan axboroti tinglandi. Bekobod shahar IIB tomonidan shaharda huquqbuzarliklarning oldini olish va ularning profilaktikasi holati to‘g‘risida shahar IIB boshlig‘i podpolkovnik F.Ismoilovni hisoboti va shaharda xavfsiz va ravon yo‘l umumilliy dasturi va avtomabil yo‘llarida inson xavfsizligini ta’minlash to‘g‘risida Bekobod shahar IIB JXX YXHB boshlig‘i X.Babayevning hisoboti muhokama etildi.

Shahar mahalliy byudjeti daromadlarini bajarilishi holati, qo‘shimcha rezervlarni aniqlash to‘g‘risidagi shahar Soliq inispeksiyasi boshlig‘i F.Mamatqulovning va shahar mahalliy byudjetning hamda “Fuqarolar tashabbusi” jamg‘armasi mablag‘larining sarflanishi yuzasidan 6 oylik yakunlari to‘g‘risida shahar Iqtisodiyot va moliya bo‘limini hisoboti eshitildi. Shuningdek, ishsizlikni kamaytirish va bandlikni ta’minlash to‘g‘risida shahar Kambag‘allikni qisqartirish va bandlikka ko‘maklashish bo‘limi rahbari I.Axmadaliyevning, shahar Maktabgacha va maktab ta’limi tizimini rivojlantirish borasida shahar Maktabgacha va maktab ta’limi bo‘limi mudiri R.Sharipovni, Aholiga sifatli ijtimoiy xizmat va yordam ko‘rsatish to‘g‘risida shahar “Inson” ijtimoiy xizmat markazi rahbari Sh.Mamarizayevni va mahallalar uyushmasi faoliyatini yo‘lga qo‘yish va mahallalarda boshqaruv tizimini takomillashtirish yuzasidan Mahalla uyushmasi shahar bo‘limi rahbari D.Vaxobjonovning hisobotlari muhokama etildi. Sessiyaga kiritilgan har bir masala tegishli doimiy komissiyalar tomonidan joylarga chiqib sayyor yig‘ilishlar o‘tkazilib, masalalar atroflicha o‘rganildi. Sessiyada ko‘rilgan masalalar yuzasidan tegishli qarorlar qabul qilinib, ijrosi deputatlar tomonidan nazoratga olindi.