#kunlik_ish_reja_ijrosi
#24_ta_masala
#deputat_faoliyati
#kotibiyat_xodimi

Deputatlik nazorati davom etmoqda

Bandixon tumanining "Limonzor" mahallasida amalga oshirilayotgan yirik sug‘orish infratuzilmasi loyihasi deputatlik nazorati doirasida joyiga chiqib o‘rganildi.
Nazorat tadbirida 17-Limonzor saylov okrugidan saylangan tuman Kengashi deputati Shaydilov Safar Normurodovich hamda tuman Kengashi kotibiyati bosh mutaxassisi B. Qurbonov ishtirok etdi.

O‘rganish davomida loyiha ijrosi, qurilish ishlari sifati, mavjud holat va ishlarni belgilangan muddatlarda yakunlash masalalari mas’ullar bilan muhokama qilindi. Mazkur loyiha doirasida Sherobod mashina magistral kanalidan nasoslar va bosimli quvurlar orqali yangi sug‘orish kanali hamda ichki sug‘orish tarmoqlarini barpo etish rejalashtirilgan bo‘lib, bu hududning suv ta’minotini yaxshilash va qishloq xo‘jaligi samaradorligini oshirishga xizmat qiladi.

O‘rganish yakunida qurilish ishlari tasdiqlangan loyiha asosida olib borilayotgani qayd etildi. Shuningdek, ayrim yo‘nalishlarda qo‘shimcha loyihalash ishlari amalga oshirilayotgani aniqlandi.

Strategik ahamiyatga ega mazkur loyihaning sifatli va o‘z vaqtida yakunlanishini ta’minlash maqsadida uning ijrosi doimiy deputatlik nazoratiga olindi.