Xalq deputatlari Nurobod tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zosi G.Xusanova, biriktirilgan tashkilot vakili – tuman hokimligi bosh mutaxassisi J.Mallayev hamda tuman Kengashi kotibiyati xodimlari bilan hamkorlikda Samarqand viloyati Nurobod tumanida davlat-xususiy sheriklik asosida tashkil etilgan “GOLD Marjonabegim” mas’uliyati cheklangan jamiyati faoliyatini o‘rgandi.

O‘rganish davomida jamiyat tomonidan aholiga ko‘rsatilayotgan xizmatlar sifati, davlat-xususiy sheriklik mexanizmi asosida amalga oshirilayotgan ishlar, yaratilgan shart-sharoitlar, moddiy-texnik baza hamda amaldagi qonunchilik hujjatlariga muvofiq faoliyat yuritilishi yuzasidan tahlillar olib borildi.

Shuningdek, muassasa rahbariyati bilan muloqot o‘tkazilib, faoliyat samaradorligini yanada oshirish, aholiga ko‘rsatilayotgan xizmatlar sifatini yaxshilash hamda mavjud muammolarni bartaraf etish yuzasidan tegishli taklif va tavsiyalar bildirildi.

Xalq deputatlari Nurobod tumani Kengashining doimiy komissiyalari tomonidan hududdagi tashkilot va muassasalar faoliyatini o‘rganish, qonunchilik ijrosi hamda ko‘rsatilayotgan xizmatlar sifatini deputatlik nazorati tartibida monitoring qilish ishlari tizimli ravishda davom ettirilmoqda.