Mamlakat Prezidentining Oliy Majlis va O‘zbekiston xalqiga yo‘llagan Murojaatnomasida belgilangan ustuvor vazifalar ijrosini ta’minlash maqsadida joylarda izchil tushuntirish va targ‘ibot ishlari olib borilmoqda.

         Xususan, Xalq deputatlari Bag'dod tuman Kengashi deputati Islomjon Ahmedov tomonidan tumandagi 11-MMT xodimlari bilan uchrashuv tashkil etildi. Uchrashuv davomida Prezident Murojaatnomasining mazmun-mohiyati keng tushuntirilib, unda belgilangan ijtimoiy-iqtisodiy rivojlanish, ta’lim sifatini oshirish, yoshlar tarbiyasi hamda sohada mas’uliyatni kuchaytirishga qaratilgan ustuvor vazifalar atroflicha muhokama qilindi.

         Deputat Islomjon Ahmedov o‘z so‘zida Murojaatnomada belgilangan vazifalar har bir soha xodimi uchun amaliy dastur bo‘lib xizmat qilishi lozimligini ta’kidlab, maktabgacha ta’lim tizimida faoliyat olib borayotgan xodimlarning mas’uliyati yanada oshishini qayd etdi.

         Uchrashuv yakunida belgilangan vazifalar ijrosini ta’minlash bo‘yicha aniq yo‘nalishlar belgilab olindi.