Toyloq tumanidagi Do‘stlik hamda Xo‘jayuz mahallalarida targ‘ibot tadbiri o‘tkazildi. Unda Respublika ma’naviyat va ma’rifat markazi tuman bo'linmasi rahbari Z.Avazov, viloyat Kengashi deputati M.Yo’ldosheva, tuman Kengashi kotibiyati mudiri B.Xamrayev, mahalla faollari, nuroniylar va yoshlar ishtirok etishdi. 

     Tadbirda Z.Avazov, M.Yuldashova, B.Xamrayevlar so’zga chiqib, mahallalarni jinoyatchilikdan xoli hududga aylantirish, aholi radikallashuvi va yoshlar giyohvandligining oldini olish, yoshlarni kasb-hunarga yo‘naltirish masalalari yuzasidan atroflicha fikr bildirdilar.

    Shuningdek, fuqarolarni “Tozalik va ozodlik” oyligida faol ishtirok etishga, mahalla obodligiga hissa qo‘shishga chaqirdi. Hojilar va nuroniylarga esa to‘y-ma’rakalarni ixcham, dabdabadan xoli o‘tkazish, isrofgarchilikka yo‘l qo‘ymaslik borasida bosh-qosh bo‘lish tavsiya etildi. Targ‘ibot tadbirlarini yanada kuchaytirishda mahalla faollari va nuroniylardan hamkorlik so‘raldi.