Xalq deputatlari Zarbdor tuman Kengashiga 4-Ravot saylov okrugidan saylangan deputat, tuman hokimi B.Tashpulatov tomonidan tumanda “Payshanba — yoshlar kuni” munosabati bilan texnikum talabalari bilan uchrashuv o‘tkazildi. Unda DXX tuman bo‘limi rahbari U.Rahmatov, tuman prokurori R.Masharipov hamda tuman IIB boshlig‘i U.Sultonovlar ishtirok etishdi. Uchrashuv davomida talabalar tomonidan nazariy bilimlar bilan bir qatorda ishlab chiqarish jarayonlarida kasbiy ko‘nikmalarni egallash darajasi, shuningdek bitiruvchilarning bandligini ta’minlash borasida amalga oshirilayotgan ishlar atroflicha o‘rganildi. Shuningdek, “Yoshlar kuni” munosabati bilan deputat tomonidan “Turar joy kommunal xo‘jaligi ustasi” yo‘nalishida tahsil olayotgan texnikum o‘quvchilariga zamonaviy qurilish va santexnika jihozlari topshirildi. Bundan tashqari, mexanizator yo‘nalishida ta’lim olayotgan talabalar uchun amaliy mashg‘ulotlarni tashkil etish maqsadida ularni tegishli xo‘jaliklarga biriktirish masalalari ham ko‘rib chiqildi.
Mazkur uchrashuv yoshlarning bilim va ko‘nikmalarini mustahkamlash, ularni kasb-hunarga yo‘naltirish hamda kelgusida bandligini ta’minlashda muhim ahamiyat kasb etishi ta’kidlandi.