2026-yil 16–19-mart kunlari uchun belgilangan Xalq deputatlari Amudaryo tumani Kengashining haftalik ish rejasiga muvofiq bir qator muhim tadbirlar va o‘rganishlar amalga oshirildi.

Jumladan, deputat Abduraxmanov Ulug‘bek tomonidan Arnabo‘yi mahalla fuqarolar yig‘inida saylovchilar bilan uchrashuv o‘tkazilib, aholini qiynab kelayotgan muammolar o‘rganildi. Uchrashuv davomida fuqarolar Pokizalik ko‘chasida joylashgan ichki yo‘lning yomon holati tufayli yuzaga kelayotgan noqulayliklarni bildirib, mazkur yo‘lni shag‘al va asfalt qoplamasi bilan ta’mirlash yuzasidan amaliy yordam so‘rashdi.

Shuningdek, O‘zbekiston Respublikasi Vazirlar Mahkamasining 2024-yil 13-iyundagi 334-sonli qarori ijrosini ta’minlash maqsadida deputat M.Kazakov tomonidan “Do‘stlik” mahalla fuqarolar yig‘inida “mahalla yettiligi” faoliyati o‘rganildi. O‘rganishlar davomida mazkur tizim doirasida amalga oshirilayotgan ishlar tahlil qilindi.

Bundan tashqari, “Yurt obodligi, avvalo, mahalladan boshlanadi!” shiori ostida o‘tkazilayotgan umumxalq xayriya hashari doirasida To‘lqin ovulida keng ko‘lamli obodonlashtirish ishlari amalga oshirildi. Tadbir davomida ko‘chalar va jamoat joylari tozalanib, hududni obodonlashtirish, daraxtlarni ohaklash va atrof-muhitni tartibga keltirish ishlariga alohida e’tibor qaratildi.

Shuningdek, deputat D.O‘razbayeva tomonidan “Oybek” mahalla fuqarolar yig‘inida “mahalla yettiligi” faoliyati o‘rganilib, O‘zbekiston Respublikasi Vazirlar Mahkamasining 2024-yil 13-iyundagi 334-sonli qarori ijrosi yuzasidan amalga oshirilayotgan ishlar tahlil qilindi.

Shuningdek, deputat Otabayeva Dilnoza tomonidan Qangli ovul fuqarolar yig‘inida saylovchilar bilan uchrashuv o‘tkazilib, aholini uzoq vaqtdan buyon qiynab kelayotgan dolzarb muammolar aniqlandi.

Joriy yilning 17-mart kuni Xalq deputatlari tuman Kengashi huzuridagi kambag‘allikni qisqartirish masalalari bo‘yicha komissiyaning navbatdagi yig‘ilishi bo‘lib o‘tdi. Unda mazkur yo‘nalishda amalga oshirilayotgan ishlar muhokama qilindi.

Bundan tashqari, deputat Rayimova Gulbahor tomonidan mahallalarda “mahalla yettiligi” faoliyati o‘rganilib, aholi muammolarini hal etish, yoshlar bandligini ta’minlash, xotin-qizlarni qo‘llab-quvvatlash hamda huquqbuzarliklarning oldini olish borasidagi ishlar tahlil qilindi.

Amudaryo tumanda “Navro‘z” umumxalq bayrami munosabati bilan ko‘rgazmali seminar tashkil etilib, unda milliy hunarmandchilik, qishloq xo‘jaligi yutuqlari hamda amaliy san’at namunalari namoyish etildi.

Shu bilan birga, deputat Muratbayeva Saylixan tomonidan saylovchilar murojaatlariga asosan Bosuv mahalla fuqarolar yig‘ini Zarrin ko‘chasidagi ichki yo‘lni shag‘al-qum aralashmasi bilan ta’mirlash zarurligi yuzasidan tegishli deputat so‘rovi yuborildi.

Yuqoridagi tadbirlar hududni ijtimoiy-iqtisodiy rivojlantirish, aholi muammolarini o‘z vaqtida aniqlash va ularni bartaraf etishga qaratilgan ishlarning izchil davom etayotganini ko‘rsatadi.