Deputat nazorati: "Tashabbusli budjet" loyihasiga to‘siq bo‘layotgan muammolar o‘rganildi

🔵Bugun xalq deputatlari Uzun tuman Kengashi deputati tomonidan “Chaqar” MFY Shotut ko‘chasida olib borilayotgan qurilish-obodonlashtirish ishlari joyiga chiqqan holda o‘rganildi.

🔵O‘rganish davomida aholi murojaatlari o‘z tasdig‘ini topdi: ko‘cha bo‘ylab o‘rnatilgan elektr ustunlari loyiha chizmasiga mos kelmasligi sababli piyodalar yo‘lagi va irrigatsiya tarmoqlarini (lotoklarni) o‘rnatishda jiddiy muhandislik to‘siqlarini yuzaga keltirmoqda. Bu holat nafaqat loyiha sifatiga, balki kelgusida harakat xavfsizligiga ham salbiy ta’sir ko‘rsatishi aniqlandi.

🔵Mazkur muammoni bartaraf etish maqsadida:

✅ Mas’ul tashkilotlarga, xususan, tuman elektr tarmoqlari korxonasiga elektr ustunlarini belgilangan standartlar asosida ko‘chirish yuzasidan DEPUTATLIK SO‘ROVI yuborildi.

🔵"Tashabbusli budjet" doirasida ajratilgan har bir so‘m xalq manfaati uchun sifatli sarflanishi shart. Jarayon deputatlik nazoratiga olindi.