Doimiy komissiyalar faoliyati muhokama qilindi

Xalq deputatlari Xo‘jayli tumani Kengashi doimiy komissiyalari raislari va kotiblari ishtirokida yig‘ilish bo‘lib o‘tdi. Yig‘ilish davomida doimiy komissiyalar ish rejalarining 2026 yil I choragi davomida amalga oshirilishi belgilanib ijrosi ta’minlanmagan masalalar ko‘rib chiqilib, ularning ijrosi tez orada amalga oshirilishi belgilandi.

Yig‘ilishda doimiy komissiya rahbarlari chiqib, doimiy komissiyada muhokama qilingan va o‘rganilgan masalalarning, berilgan topshiriqlarning bajarilish holatini o‘rganish va bu bo‘yicha doimiy komissiya so‘rovini chiqarish to‘g‘risidagi masalalar ko‘rib chiqildi.

Tuman Kengashi sessiyasi kun tartibiga kiritiladigan har bir masala albatta doimiy komissiyalar tomonidan o‘rganilishi va agar hisobot beruvchi rahbarlarning hisobotlari qoniqarsiz deb topilsa doimiy komissiyadan qaytarilib sessiya kun tartibiga kiritilmasligi shartligi yana bir bor aytib o‘tildi.